घरेलु बजारमा बुधबार पहेंलो धातु सुनको मूल्य बढेको छ ।यो दिन छापावाला सुनको मूल्य ८०० रुपैयाँले बढेर १ लाख ५३ हजार १०० रुपैयाँ कायम भएको छ । यो मूल्य हालसम्मकै उच्च हो ।
नेपाल सुनचाँदी व्यवसायी महासंघका अनुसार बुधबार सुनको मूल्य तोलामा १ लाख ५३ हजार १०० रुपैयाँमा कारोबार भइरहेको छ । अघिल्लो कारोबार दिन मंगलबार सुनको मूल्य तोलामा १ लाख ५२ हजार ३००रुपैयाँमा कारोबार भएको थियो ।
यसैगरी, यो दिन चाँदीको मूल्य तोलाको १ हजार ८५५ रुपैयाँमा कायम भएको छ । मंगलबार भने यसको मूल्य प्रतितोला १ हजार ८५० रुपैयाँ थियो । यसैगरी,महासंघका अनुसार आज प्रति १० ग्राम छापावाल सुनको मूल्य १ लाख ३१ हजार २६० रुपैयाँ कायम भएको छ । त्यस्तै प्रति १० ग्राम चाँदीको मूल्य १ हजार ५९० रुपैया ५० पैसा कायम कायम भएको छ ।
