घरेलु बजारमा पहेंलो धातु सुनको मूल्य घटेको छ । आज सोमबार नेपाली बजारमा सुनको मूल्य तोलामा १ सय रुपैयाँले घटेको हो ।
नेपाल सुनचाँदी व्यवसायी महासंघका अनुसार सोमबार सुनको मूल्य तोलामा १ लाख ५२ हजार ३०० रुपैयाँ कायम भएको छ । अघिल्लो कारोबार दिन आइतबार सुनको मूल्य तोलामा १ लाख ५२ हजार ४०० रुपैयाँमा कारोबार भएको थियो ।
गत बुधबार भने घरेलु बजारमा सुनको मूल्य हालसम्मकै उच्च भएको थियो । उक्त दिन सुनको मूल्य तोलाको १ लाख ५३ हजार रुपैयाँ कायम भएको थियो ।
यसैगरी, यो दिन चाँदीको मूल्य तोलाको १ हजार ८४० रुपैयाँ कायम भएको छ । आइतबार भने यसको मूल्य प्रतितोला १ हजार ८५० रुपैयाँ थियो ।
यसैगरी,महासंघका अनुसार आज प्रति १० ग्राम छापावाल सुनको मूल्य १ लाख ३० हजार ५७५ रुपैयाँ कायम भएको छ । त्यस्तै प्रति १० ग्राम चाँदीको मूल्य १ हजार ५७७.५० रुपैयाँ कायम कायम भएको छ ।
