दशैंको वेला सुनसान बनेका उपत्यकाका सडकमा चहलपहल बढ्न थालेको छ । दशैं मनाउन उपत्यकाबाट बाहिरिएकाहरू फर्किने क्रम बढेसँगै चहलपहल बढेको हो ।
उपत्यका ट्राफिक प्रहरी कार्यालयका अनुसार पछिल्लो पाँच दिनमा करिब ६ लाख यात्रु उपत्यका भित्रिएका छन् । दशैंको वेला करिब २० लाख यात्रु बाहिरिएको अनुमान छ । ती यात्रु तिहार तथा छठपछिसम्म उपत्यकामा प्रवेश गर्छन् ।
तर, अधिकांश दशैं मनाएर कामकाजको सिलसिलामा उपत्यका फर्किने गर्छन् । हाल राजमार्ग तथा मुख्य सडक खण्डमा सवारीसाधनको भिडभाड छ ।
