साउनमा पनि घट्यो ब्याजदर, कुन बैंकले कति दिँदै ?

वाणिज्य बैंकहरूले आगामी साउन महिनाका लागि पनि निक्षेपको ब्याजदर थप घटाएका छन् । सञ्चालनमा रहेका २० मध्ये तीन बैंकले व्यक्तिगत मुद्दती निक्षेपको ब्याजदर बढाएका छन् भने १२ ले घटाएका छन् । बाँकी ५ बैंकको ब्याजदर स्थिर छ ।

असारमा बैंकहरुले व्यक्तिगत मुद्दतीमा दिएको औसत ब्याजदर ६.९० प्रतिशत रहेकोमा साउनमा घटेर ६. ७३ प्रतिशतमा झरेको छ । सार्वजनिक सूचनामार्फत बैंकहरूले ब्याजदरसम्बन्धी जानकारी गराएका हुन् ।

ब्याजदर बढाउनेमा एभरेस्ट र कृषि विकास बैंक छन् । प्रकाशित ब्याजदरमध्ये सबैभन्दा बढी ब्याज व्यक्तिगत मुद्दती निक्षेपमा एनआईसी एशिया र एमएमबि बैंकले दिने घोषणा गरेका छन् । यस अवधिमा सबैभन्दा बढी दरले ब्याजदर घटाउने बैंक हिमालयन बनेको छ भने कृषि विकास बैंकले सर्वाधिक दरले ब्याजदर बढाएको छ ।

साउनमा सबैभन्दा कम ब्याज राष्ट्रिय वाणिज्य बैंकले दिने घोषणा गरेको छ ।

कसको ब्याजदर कति ?