काठमाडौं । कम्प्युटरमा आँखा डुलाउनु, माउसमा औंला खेलाउनु र फोन र अन्य ग्याजेट्सहरुमा घोइरिनु आजका युवाहरुको दैनिकी नै भएको छ । इन्टरनेटको आबिष्कारपछि संभव भएका फेसबुक, ट्विटर, इस्टागाम जस्ता सामाजिक संजालहरुले अहिलेका युवाहरुको ध्यान खिचेको छ ।
तर, केही सिर्जनशील र जाँगरिला मानिसहरुले इन्टरनेटलाई समय बिताउने थलोको रुपमा मात्र नलिएर ब्यवसायकै बिकास गर्न थालेका छन् ।
खाना तथा खाजा डेलिभरी गर्ने कम्पनी ‘फुडमाण्डु’ एउटा त्यस्तै उदाहरण हो । यस कम्पनीको कुनै रेष्टुरेन्ट वा सो खालको कुनै भौतिक पूर्वाधार छैन । छ त केवल, काठमाण्डौंका नाम चलेका करिब १ सय ३० वटा रेष्टुरेन्टहरुको संजाल ‘अर्डर कन्र्फम’ गर्ने र खाना ओसारपसार गर्ने कर्मचारीहरु र ती सबैलाई एउटै प्रणालीमा जोड्ने प्रबिधि ।
