गहुँबालीमा सिन्दुरे रोगको प्रकोप कम गर्न मंसिर २५ गतेभित्र गहुँ छर्न सुझाइएको छ । नेपाल कृषि अनुसन्धान परिषद् (नार्क) अन्तर्गत राष्ट्रिय कृषि वातावरण अनुसन्धान केन्द्रले कृषि मौसम सल्लाह बुलेटिन मार्फत गहुँबालीमा सिन्दुरे रोगको प्रकोप कम गर्न तराई क्षेत्रमा मंसिर २५ गते भित्र गहुँ बाली छरिसक्नु पर्ने सुझाएको हो ।
सो बुलेटिनमा तराईका लागि बाणगंगा, बि. एल. ४३४१, एनएल ९७१, आदित्य जातका गहुँको बीउलाई भाइटाभेक्स २ ग्राम प्रति केजीका दरले उपचार गरेर मात्रै गर्नुपर्ने समेत उल्लेख छ ।
नेपालमा वार्षिक रूपमा करिब ७ लाख हेक्टरमा गहुँ खेती हुँदै आएको छ ।
