राष्ट्रिय प्रजातन्त्र पार्टी (राप्रपा) का वरिष्ठ नेता तथा पूर्वमन्त्री दीपक बोहरा आगामी प्रतिनिधि सभा निर्वाचनका लागि रुपन्देही क्षेत्र नम्बर १ बाट सर्वसम्मत उम्मेदवार सिफारिस भएका छन् ।
राप्रपा क्षेत्रीय समिति र देवदह नगर समितिको संयुक्त बैठकले बोहराको एकल नाम उम्मेदवारका लागि सिफारिस गरेको हो ।
बोहरालाई रुपन्देही–३ ले पनि प्रतिनिधिसभा सदस्यमा उम्मेदवार सिफारिस गर्ने तयारी गरिरहेको छ ।
रुपन्देहीमा राप्रपा र एमालेबीच तालमेलका लागि छलफल समेत भइरहेको नेताहरुले बताएका छन् ।
