मेलम्ची आयोजनाको चाँडो सक्न सहयोग गर्छुः अर्थमन्त्री पौडेल

मेलम्ची आयोजनाको चाँडो सक्न सहयोग गर्छुः अर्थमन्त्री पौडेल

अर्थमन्त्री विष्णु पौडेलले निर्माणाधीन मेलम्ची खानेपानी आयोजना छिटो सम्पन्न गर्न अर्थ मन्त्रालयले आवश्यक सबै सहयोग गर्ने बताएका छन् । अर्थ मन्त्रालयमा आयोजित कार्यक्रममा उनले मेलम्ची आयोजना सम्पन्न गर्न आवश्यक सहयोग र सहजीकरण गर्न मन्त्रालय तयार रहेको बताए । उनले मेलम्ची आयोजनाको काम प्रभावकारी रुपमा अघि बढाउन राज्यका सरोकारवाला र सम्बद्ध निकायबीच समन्वय गरिने पनि बताए ।
खानेपानी मन्त्री बिना मगरले मेलम्ची खानेपानी आायोजनामा अहिले सबै पक्षले निरन्तर काम गरिरहेको बताइन् । आर्थिक वर्ष २०७७/०७८ को बजेट कार्यान्वयन, विशेष गरी पुँजीगत खर्चको अवस्था, विद्यमान समस्या र समाधानका बारेमा मन्त्रालयले छलफल गरेको थियो । चालु आर्थिक वर्षको बजेट कार्यान्वयन, आयोजनाहरुको भौतिक तथा वित्तीय प्रगतिलाई तिव्रताका साथ अघि बढाउन मन्त्रालयले जोड दिएको छ