बारा पर्साका लागि रोयल इनफिल्डका आधिकारिक बिक्रेता नोभस ब्रदर्सले रोपाइँ राइड सफलतापूर्वक सम्पन्न गरेको छ।
यो कार्यक्रम राष्ट्रिय धान दिवसको अवसरमा असार १५ गते बिहान ७:३० बजे वीरगञ्जस्थित रोयल इनफिल्ड सोरूमबाट ठोरीसम्म आयोजना गरिएको थियो।
उक्त राइडमा करिब २५ जना सहभागीहरू रहेका थिए।
यस राइडको उद्देश्य राष्ट्रिय धान दिवसको महत्त्वलाई उजागर गर्दै कृषिको व्यवसायिकता प्रवर्द्धन गर्न र कृषिमा आधुनिकीकरण ल्याउन टेवा पुर्याउने रहेको कम्पनीको भनाइ छ।
ठोरीमा सबै राइडरहरूले रोपाइ कार्य, बाउसे एवं रोपाइका गतिविधिमा संलग्न भइ बाइक प्रेमीहरूले रोमाञ्चक अनुभव संगालेका बताइएको छ।
